रेडियो मुगु, मुगु ,जेष्ठ ७
विहिवार साँझबाट मुगुको गमगाढ साना जल
विद्युत आयोजनाको विद्युत गृहमा रहेको विद्युत उपकरणमा खराबि आएको छ ।
उपकरणमा खरावी भएकाले सदरमुकाम अँध्यारो भएको छ । लामो अवधीसम्म आयोजनाका
विद्युतिय उपकरण खुला आकाश मुनि रहेका र खिया लागेकाले विद्युत उत्पादनमा
अवरोध आएको गमगाढ जल विद्युत आयोजना कार्यालय मुगुले जनाएको छ । विद्युत
गृहमा राखिएको विद्युतिय उपकरण गर्भनरको सेन्सर विग्रिएकाले सुर्खेतबाट
आएपछि मात्र विद्युत आपुर्ति हुने निमित्त आयोजना प्रमुख विष्णु महतले
बताउनु भएको छ । विद्युत आपुर्ति बन्द हँुदा जिल्लाका सरकारी, गैर सरकारी
तथा निजी क्षेत्रका दैनिक कामकाजहरु ठप्प भएका छन । विहिबार साँझ देखि
एडिएसएल ईन्टरनेट सेवामा समेत अवरोध आएको छ भने बजारवासी र स्थानीयवासी मैन
बत्त्ती र सल्लाको दियालो बालेर उज्यालो गरिरहेका छन ।
