तनहुँ मा आज बस पल्टदा १५ जना यात्रु घाइते

तनहुँ १६ जेठ :- तनहुँको कोइदिम घाट्मा आज बस पल्टदा १५ जना यात्रु घाइते भएका छन् । घाइते मध्य २ जनाको अवस्था गम्भीर रहेको छ । ग १ ख ३२२३ नम्बरको बस कोइदिम घाट बजार नजिक सडक छेउमा पल्टदा सो दुर्घटना भएको थियो ।
दुर्घटनामा परि गम्भीर घाइते हुनेमा पोखरी भञ्ज्याङ गा बी स – ९ निवासी ५० बर्सिया मसिना गुरुङ र काहु सिवापुर गा बी स ओडा नम्बर ८ बस्ने ५७ बर्सिया हिउकुमारी थापा रहेको प्रहरीले कार्यालय तनहुँले जनाएको छ। अन्यको अवस्था भने सामान्य रहेको बताइएको छ ।

घाइते सबैको अहीले दमौली अस्पतालमा उपचार भइरहेको छ । बस सेती नदि नजिकैको सडकमा पल्टेको हो । सडकमै पल्टेको कारण थप ठुलो क्षति बाट भने जोगिएको छ । सडक नजिकैको सेती नदिमा पल्टेको भए ठुलो क्षति हुन सक्ने सम्भावना भएपनी भाग्यबस थप् क्षति भने टरेको छ ।