महोत्तरीमा कक्षा ११ को परिक्षा दिंदै गर्दा नक्कलि प्रहरी नायव निरीक्षक पक्राउ ।।

सन्तोष कुशवाहा, महोत्तरी ,जेष्ठ ७

उच्च शिक्षा परिषद अन्र्तगत जारी कक्षा ११ को परिक्षामा प्रहरी नायव निरीक्षक जवाहर प्रसाद यादवको स्थानमा परीक्षा दिंदै गरेका नक्कली परिक्षार्थी कारवाहिमा परेका छन् । महोत्तरीको एसकुमार वलवा उमावि परीक्षा केन्द्रबाट प्रमुख जिल्ला अधिकारी प्रदिपराज कडेंलले प्रहरी नायव निरीक्षक जवाहरप्रसाद यादवको स्थानमा परीक्षा दिंदै गरेका रामगोपालपुर ९ का २१ वर्षीय अमृतकुमार यादवलाई पक्राउ गरी कारवाही थालेको छ । विशेष सुराकिको अधारमा यादवलाई पक्राउ गरिएको प्रजिअ कडेंलले जानकारी दिनुभयो । रामेछापमा दरबन्दि रहेको प्रहरी नायव निरीक्षक यादव रामगोपाल पुरबाट सरुवा भई हाल सिन्धुलिमा कार्यरत छन् । यादवसंग प्रतिक्रिया लिन खोज्दा आफु कुनै परीक्षामा सामेल नभएको प्रतिक्रिया दिनुभयो ।