तीन दलका शीर्ष नेता र संविधानसभाअध्यक्षबीच छलफल ।।

नेपाल समाचार 2012, May, 9th, Wed, 06:58:36am

काठमाण्डौं,बैशाख २७
आज बिहान प्रमुख तीनका शीर्ष नेता र संविधानसभाका अध्यक्षबीच संविधान लेखनका विषयमा भइरहेको प्रगतिका बारेमा छलफल भएको थियो । छलफलमा एकीकृत माओवादीका अध्यक्ष पुष्पकमल दाहाल प्रचण्ड, नेकपा एमालेका अध्यक्ष झलनाथ खनाल, नेपाली काङ्ग्रेसका उपसभापति रामचन्द्र पौडेल र संविधानसभाध्यक्ष सुवासचन्द्र नेम्वाङ सहभागी हुनुहुन्थ्यो । छलफलका क्रममा शीर्ष नेताहरुले संविधान लेखनमा भइरहेको प्रगतिबारे जानकारी दिनुभएको थियो भने संविधानसभाध्यक्ष नेम्वाङले समय कम भएको भन्दै विवादित विषय तुरन्त सुल्झाउन आग्रह गर्नुभएको थियो ।