तातोपानी जाँदै गरेको बस दुर्घटना, तीनको शव फेला

सिन्धुपाल्चोक, जेठ १८ – काठमाडौंबाट तातोपानी जाँदै गरेको बा २ ख ३३४७ नम्बरको बस सुनकोशी नदीमा खसेको छ। घटनास्थलमा एक बच्चा र दुई महिलाको शव प्राप्त भएको छ भने १२ भन्दा बढीको जिवितै उद्दार गरी खाडीचौरस्थित अस्पताल लगिएको छ। केही यात्रु बसभित्रै रहेको प्रहरीको अनुमान छ।
अरनिको राजमार्ग अन्तर्गत बलेफी नजिकै कोठीमा दुर्घटना भएको हो। बसमा २५ जति यात्रु रहेको अनुमान गरिएको छ। दुर्घटनास्थल काठमाडौंबाट करिब ७५ किलोमिटर पूर्वमा पर्छ। नदीमा बस घोप्टो अवस्थामा टायरमात्र देखिने गरी पल्टिएको छ।