नेपाल समाचार 2012, May, 13th, Sun, 12:11:27pm
वैशाख ३१, काठमाण्डौं
प्रधानमन्त्रीका प्रमुख राजनीतिक
सल्लाहकार देबेन्द्र पौडेल सुनिलले प्रधानमन्त्री डा बाबुराम भट्टराई
संविधानसभाको म्याद थप्ने गृहकार्यमा जुटेको बताउनु भएको छ । रिपोर्टर्स
क्लब नेपालले आज गरेको साक्षात्कारमा पौडेलले संविधानसभाको म्याद थपेर भए
पनि संविधान जारी गर्ने स्पष्ट पार्ने त्यसका लागि आइपर्ने कानूनी जटिलता
मिलाउने बताउनुभयो । संविधान जारी नभई संविधानसभा विघठन नहुने भन्दै
प्रधानमन्त्री पनि संविधान जारी नभई संविधानसभा विघठन हुन दिन नहुने पक्षमा
नभएको बताउनुभयो । जाती, सांस्कृतिक र भाषागत पहिचानसहितको संघको नामाकरण
हुनुपर्ने भन्दै माओवादीले पहिचानलाई पुरै छाड्न नसक्ने पौडेलको भनाइ छ ।
साक्षात्कारमा नेपाली कांग्रेसका
केन्द्रीय सदस्य दिपकुमार उपाध्यायले वास्तविक रुपमा राष्ट्रिय सहमतिको
सरकार बन्न सके संविधानसभाको म्याद थप्न सकिने बताउनुभयो । साझा नामाकरण भए
काग्रेस ११ प्रदेशसम्म जान सक्ने स्पष्ट पार्दै एकल जातीय पहिचान हुने गरी
संघीयता निर्माण गर्न खोजिए त्यो कांग्रेसलाई स्विकार्य हुन नसक्ने स्पष्ट
पार्नुभयो ।
नेकपा एमालेका प्रचार विभाग प्रमुख प्रदिप
ज्ञावलीले संविधानसभाको म्याद थप्न नसकिने सर्वोच्च अदालतको फैसला प्रति
गंभिर असहमति व्यक्त गर्दै संविधान जारी नभएसम्म संविधानसभा विघठन हुन
नसक्ने ठोकुवा गर्नुभयो । शासकीय स्वरुप र संघीयताको विषयलाई मतदानबाट
टुङग्याउने प्रयास गरिए त्यो मुलुकको लागि दुर्भाग्य हुने भन्दै त्यस्तो
अवस्थामा संविधान पनि बन्न नसक्ने बतानउनुभयो ।
