तनहूँ खबर डट कम सम्वाददाता - अग्नि एयरको नाईन ए आई
जी जहाज मुस्ताङ्गको जोमसोममा दुर्घटना भएको छ । ३ जना चालक दलका सदस्य र
१८ यात्रु बोकेर पोखराबाट जोमसोमको लागि उडेको विमान अवतरणका क्रममा
जोमसोमको डाँडामा ठोक्किएको थियो ।
दुर्घटना लगत्तै सात जनाको उद्दार गरिएको छ । दुई जना विदेशी नागरिक सामान्य अवस्थामा बिमानबाट बाहिर निस्किएका थिए । विमान परिचालिका, दुई भारतीय नागरिक, दुई बालकलाई उद्दार गरिएको छ । उनीहरुको जोमसोममा उपचार भैरहेको छ । घाईतेहरुलाई पोखरा ल्याउनका लागि अहिले हेलिकप्टर जोमसोम पुगेको छ ।
घटनास्थलमा रहेकी स्थानीय पूर्णा गौचनले दिएको जानकारी अनुसार दुई जनाको शव भेटिएको छ । अरुको उद्दार भैरहेको छ । पोखराबाट जोमसोमका लागि छुटेको बिमान बिहान नौ बजेर ४५ मिनेट जाँदा डाँडामा ठोक्किएको थियो । घटनाको थप विवरण आउन बाँकी छ ।
