मन्दिरको प्रचार प्रसारमा स्थानीयबासिन्दा ।।

लक्ष्मी रानाभाट, , तनहुँ बैशाख २५ गते । प्रचार प्रसारको अभावमा ओझेलमा पर्दै गएको खैरेनीटारको जाम्दीमा रहेको तिन खोले देवी मन्दिरको आज एक समारोबी धार्मिक विधि र अनुष्ठानसहित विशेष पुजाआजा गरिएकोे छ । धार्मिक पर्यटकिय तिर्थस्थलको रुपमा विकास गराउने उद्धेश्यले स्थानियको पहलमा आज सहयोग दाताहरुलाई सम्मान तथा स्थानिय लोक कला संस्कृति प्रदर्शनको कार्यक्रम भएको स्थानिय अर्जुन सापकोटाले जानकारी दिनुभयो ।
कार्यक्रममा विभिन्न समयमा मन्दिर निर्माणमा आर्थिक, नैतिक तथा भौतिक सहयोग गर्नेहरुलाई सम्मान गरिएको छ भने मन्दिर प्रवेश गर्ने मुख्य मार्ग निर्माणमा सहयोग गर्ने र श्रद्धालु भक्तजनहरुलाई स्थानीयले आज स्वागत गरेका छन् । तिनखोले देवीको मन्दिर १८८७ मा भएको लिखोटहरुमा पत्ता लागेको छ । तर पनि उचित प्रचार प्रसारको अभावमा छायाँमा परेको छ । देवीको दर्शनले चिताएको मनोकाक्षा पुरा हुने जन विश्वासले तनहुँ, कास्की, लम्जुङ्ग, नवलपरासीलगायतका स्थानबाट श्रद्धालुहरु दर्शनका लागि आउने गर्दछन् ।