मुम्बई (एजेन्सी), २१ चैत । केही साताअघि एउटा हल्ला चल्यो, मधुर भण्डारकरले बनाउँदै गरेको फिल्म 'हिरोइन' को कथा नायिका मनीषा कोइरालाको जीवनीसँग मिल्छ । हल्ला व्यापक हुन थालेपछि भण्डारकरले त्यसको खण्डन नै गर्नुपरेको थियो । तीन पटकसम्म फिल्म फेयर क्रिटिक्स अवार्ड हात पारिसकेकी मनीषाको एकाएक ओरालो लागेको करिअर पनि कम्ता फिल्मी छैन ।
बलिउडबाट ओरालो लाग्न थालेपछि स्वदेश फर्केर यहीं 'धर्मा' खेले पनि सफल भएन । विवाह गरिन्, खासै सुखद् हुन सकेको छैन । तर अब मनीषाले आफू पुनः बलिउडमा फर्किन लागेको बताएकी
छन् । एक अन्तर्वार्तामा उनले आफ्नो कमब्याकका बारेमा प्रस्टयाएकी छन् । 'यतिखेर मैले केही स्त्रिmप्टहरू पढिरहेकी छु,' ४४ वर्ष टेकिसकेकी मनीषाले फेरि फिल्म खेल्नेबारे भनिन्, 'मैले खेल्ने फिल्मकै बारेमा भने पछि बताउँला । त्यसको पहिलो जानकारी निर्माता/निर्देशकहरूले दिनुहोला ।'
उनले यतिखेर धेरै निर्माता/निर्देशकसँग स्त्रिmप्टका बारेमा छलफल चलिरहेको जिकिर गर्दै अन्तर्वार्तामा भनेकी छन्, 'मेरो तर्फबाट तीनवटा स्त्रिmप्टमा काम गर्न मैले सहमति जनाइसकें । अहिले थप दुईजना निर्देशकहरूसँग पनि कुरा भइरहेको छ, सायद त्यो पनि गर्छु होला ।'
उनले अर्को वर्ष आफ्ना लागि कमब्याक वर्ष हुने निश्चित रहेको पनि बताइन् । नेपालमा जन्मेर बलिउडलाई कर्मथलो बनाएकी मनीषाले यहाँ 'फेरि भेटौंला' खेलेको दुई वर्ष नबित्दै 'सौदागर' बाट बलिउडमा राम्रो उपस्थिति जनाएकी थिइन् । नेपालबाट धेरै कलाकारले बलिउडमा आफ्नो भाग्यको खोजी गरिरहेका भए पनि मनीषा मात्रै एक्ली सफल कलाकार हुन्, जसले 'बम्बे', 'खामोसी', 'दिल से', 'कम्पनी,' जस्ता सफल फिल्म दिइसकेकी छन् ।source:http://www.ekantipur.com/nep/2068/12/21/full-story/345400.html
छन् । एक अन्तर्वार्तामा उनले आफ्नो कमब्याकका बारेमा प्रस्टयाएकी छन् । 'यतिखेर मैले केही स्त्रिmप्टहरू पढिरहेकी छु,' ४४ वर्ष टेकिसकेकी मनीषाले फेरि फिल्म खेल्नेबारे भनिन्, 'मैले खेल्ने फिल्मकै बारेमा भने पछि बताउँला । त्यसको पहिलो जानकारी निर्माता/निर्देशकहरूले दिनुहोला ।'
उनले यतिखेर धेरै निर्माता/निर्देशकसँग स्त्रिmप्टका बारेमा छलफल चलिरहेको जिकिर गर्दै अन्तर्वार्तामा भनेकी छन्, 'मेरो तर्फबाट तीनवटा स्त्रिmप्टमा काम गर्न मैले सहमति जनाइसकें । अहिले थप दुईजना निर्देशकहरूसँग पनि कुरा भइरहेको छ, सायद त्यो पनि गर्छु होला ।'
उनले अर्को वर्ष आफ्ना लागि कमब्याक वर्ष हुने निश्चित रहेको पनि बताइन् । नेपालमा जन्मेर बलिउडलाई कर्मथलो बनाएकी मनीषाले यहाँ 'फेरि भेटौंला' खेलेको दुई वर्ष नबित्दै 'सौदागर' बाट बलिउडमा राम्रो उपस्थिति जनाएकी थिइन् । नेपालबाट धेरै कलाकारले बलिउडमा आफ्नो भाग्यको खोजी गरिरहेका भए पनि मनीषा मात्रै एक्ली सफल कलाकार हुन्, जसले 'बम्बे', 'खामोसी', 'दिल से', 'कम्पनी,' जस्ता सफल फिल्म दिइसकेकी छन् ।source:http://www.ekantipur.com/nep/2068/12/21/full-story/345400.html
