तनहुँ २१ चैत ।
तनहुँको खैरेनीटारमा संचालित चौथो खैरेनीटार महोत्सव सम्पन्न भएको छ ।
चैत्र १० गतेदेखी शुरु महोत्सवको सोमबार नेपाल उद्योग वाणिज्य महासंघका
पुर्व अध्यक्ष चण्डीराज ढकालले समापन गरेका हुन् ।
समापनको अबसरमा बोल्दै ढकालले नेपालको कला सस्कृतीलाई संगसंगै लैजान नसके
नेपाल विश्वको नक्साबाट एक्लो रहने बताए । राजनितीले देशको दिशा र्निदिष्ट
पार्ने भन्दै उनले राजनितीक पक्षलाई सरल ढंगले समय सापेक्ष परिस्कृत
गर्नुपर्ने बताए ।
विभिन्न जिल्लामा संचालन भईरहेका मेला महोत्सवले जातीय सस्कृतिसंगै
स्थानीय व्यापारीलाई समेत लाभ हुने भन्दै उनले खैरेनीटार महोत्सवले
खैरेनीटार आसपासका क्षेत्रलाई दिर्घकालिन रुपमा पर्यटकीय गन्तव्यको रुपमा
विकास गर्न महत्वपूर्ण योगदान पुर् याएको बताए ।
महोत्सवको नेपाल उद्योग वाणिज्य महासंघका केन्द्रिय सदस्य दामोदर आचार्य
तनहुँ उद्योग वाणिज्य संघका पुर्व अध्यक्ष मोहन विश्वकर्मा प्रथम
उपाध्यक्ष कृष्णराज पण्डित लगायतले मन्तव्य व्यक्त गरेका थिए ।
ुआर्थिक सामाजिक खेलकुदको विकास पयर्टन प्रबद्र्धन खैरेनीटार महोत्सब कला
सिप र संस्कृतिको संरक्षणु भन्ने मुल नाराका साथ चैत्र १० गतेदेखी शुरु
भएको महोत्सवमा साडे ३ लाख दर्शकले अवलोकन गरी सवा करोड बराबरको कारोबार
भएको महोत्सवका प्रवक्ता समुन्द्रराम श्रेष्ठले बताए ।
महोत्सव अवधीमा १२ जनाले दगाम गाउँ भ्रमण गरेको साडे ३ सय जनाले तिनखोले
देवी मन्दिरको दर्शन गरेको आयोजकले जनाएको छ । महोत्सव सोचे भन्दा राम्रो
भएको चौथो खैरेनीटार महोत्सवका संयोजक हरि बहादुर थापाले बताए ।
खैरेनीटार आसपासका क्षेत्रमा पर्यटकीय विकास संगै व्यवासयिक विकासका लागि
हरेक वर्ष तनहुँ उद्योग वाणिज्य संघ खैरेनीटार बजार इकाईले महोत्सवको
आयोजना गर्दै आएको उनले बताए । महोत्सवमा कृषि सम्बन्धी अटो मोबाइल
व्यापारिक समाग्रीको विकि्र घरेलु तथा हस्तकला उत्पादन लगायतका १ सय ५५
स्टल रहेका थिए ।
