नारायण सापकोटा
४ बैशाख चितबन । नेपाली चलचित्रको युग परिर्वतन र नया बर्षको अवसर पारेर पर्यटकीय नगरी सौराहामा धुंवा चलचित्रले शुभसाईत गरेको छ । पछिल्लो समयमा फरक धारको बिषयवस्तु समेटेर चलचित्र निर्माण हुने क्रम सगै आर एण्ड आर प्रोडक्सनको व्यानरमा धुवा चलचित्र निमार्ण हुन लागेको हो ।
समाजमा बिधेमान समस्या लागुऔषध र दुब्र्यसनीको बिषयलाई मुख्य बिषय बनाई शुभ साईत सग सगै सौराहाबाट चलचित्रको छायाकन शुरु गरिएको आज सौराहामा आयोजित पत्रकार सम्मेलनमा चलचित्रका निर्देशक लक्ष्मण रिजालले जानकारि दिनु भएको छ ।
पछिल्लो समयमा युवा पुस्ता माझ निकै लोकप्रिय मानिएका नायक आर्यन सिग्देल र नायिका निशा अधिकारी सगै नव नायकका रुपमा चितवनका सञ्चारकर्मी दिपेश कडरियाको समेत चलचित्रमा मूख्य भुमिका रहेको छ । लामो समय देखि चितवनको रेडियो त्रिवेणीमा कार्यरत सञ्चारकर्मी कडरिया चलचित्र पत्रकार संघ चितवनका कोषाध्यक्ष समेत रहेका छन । उनले पहिलो पटक सो चलचित्रमा ड्रग एडिगको भुमिकाबाट नेपाली सिनेमाको रंगिन दुनियामा प्रबेश गरेका हुन ।
