कपिल ज्ञवाली
बुटवल, २१ चैत । नेपाल खेलकुद पत्रकार मञ्च रुपन्देहीले आज बुटवलमा सम्मान कार्यक्रम गरेको छ । हालै सम्पन्न भोजपूर कप फुटवल प्रतियोगितामा बिजयी भएको रुपन्देहीको गोर्खा ब्वाइज क्लब र भलिवल संघ रुपन्देहीको नया नेतृत्वलाई एक कार्यक्रमका बीच दोसल्ला तथा अबिर लगाएर सम्मान गरेको हो ।
कार्यक्रममा बोल्दै एन्फा केन्द्रिय अध्यक्ष एवं एएफसीका उपाध्यक्ष गणेश थापाले रुपन्देही फुटवलको क्षेत्रमा निकै अगाडी रहेको बताउनुभयो । उहाले खेलकुद क्षेत्रमा राज्यले केही सहयोग गर्न थालेको भन्दै त्यसलाई बढाउनका लागि सबै क्षेत्र एकजुट भएर लाग्नुपर्ने समेत बताउनुभयो ।
कार्यक्रममा भलिवल संघका केन्द्रिय सदस्य दिनेश पाण्डे, जिल्ला अध्यक्ष बिष्णु कुमार श्रेष्ठ, गार्खा ब्वाइजका अध्यक्ष दिर्घबहादुर केसी, खेलकुद पत्रकार मञ्च रुपन्देही अध्यक्ष सुमन अधिकारी, सचिव सुरज भण्डारी,सहसचिब सीपी खनाल लगायतले बोल्दै बिजयी टिम र भलिबल संघको नया नेनृत्वलाई बधाई तथा शुभकामना दिएका थिए ।
