विमल खतिवडा
१ वैशाख पर्वत । बैशाखे संक्रान्तीमा स्नान गर्ने क्रममा कालीगण्डकी नदीले बगाएर शुक्रवार विहान एक किशोर बेपत्ता भएका छन् । पर्वतको मुडिकुवा गाबिस(३ स्थित आम्बोटका १६ बषिर्य बिशाल कुवँरलाई बिहान ९ बजे नदीले बगाएको हो ।
मुडिकुवा ५ जैमुनीबगरमा स्नान गर्न पुगेका कुवँरलाई नदीले बगाएको प्रहरीले जनाएको छ । कुवँरको खोजी भैरहेको प्रहरी निरीक्षक श्याम अर्यालले जानकारी दिए । प्रत्येक बैशाखे संक्रान्तिमा मोदीबेणी सेतीबेणीमा स्नान गर्न श्रद्धालु भक्तजनहरुको कालीगण्डकी नदीमा भिड लाग्ने गर्छ । कान्तीपुर
