१ वैशाख लहान - पूर्व–पश्चिम सडकको भवानीपुर प्रध गाविस मेदिनीपुर खण्डमा मालबाहक ट्रकमा मोटरसाइकल ठोक्किँदा आज राति तीनजनाको घटनास्थलमै मृत्यु भएको छ भने दुईजना गम्भीर घाइते भएका छन् ।
मृत्यु हुनेमा भवानीपुर प्रध–. ९ का २३ वर्षीय शिवनारायाण चौधरी, सिसवनी–१ का २१ वर्षीय रवीन्द्र चौधरी र सोही ठाउँका २० वर्षीय डम्बर शर्मा रहेको जिल्ला ट्राफिक प्रहरी कार्यालय लहानका प्रहरी निरीक्षक कुलप्रसाद चौधरीले जानकारी दिनुभयो । चौधरीका अनुसार पूर्वबाट पश्चिमतिर राति १ बजेतिर स.३प १३५५ र स.२प ८७५२ नं.को मोटरसाइकल चढेर गएका पाँचजना मेदिनीपुरमा रोकिराखेको ना.३ ख ५७९२ नं.को मालवाहक ट्रकमा पछाडिबाट ठोक्किएका थिए ।
ट्रकमा ठोक्किँदा हनुमाननगरका भूपेन्द्र चौधरी र सिसवनीका श्यामसुन्दर चौधरी घाइते भएका छन् । घाइतेको लहानस्थित सप्तऋषि अस्पतालमा उपचार भइरहेको वडा प्रहरी कार्यालय लहानले जनाएको छ । शव परीक्षण लागि स्थानीय राउस्मारक अस्पतालमा राखिएको प्रहरीले जनाएको छ । उनीहरू लहान नजिकै रहेको फूलबारी मेला हेरेर घर फर्किंदै गर्दा दुर्घटना भएको बताइएको छ । SOURCE: रासस-कान्तीपुर
