गोरखा, ५ बैशाख
गोरखाको सिंजुङ्गमा प्रहरीले ह्वी चील सहित दुइ जनालाई पक्राउ गरेको छ । पक्राउ पर्नेहरुमा सिंजुङ्ग गाउँ विकास समिति वडा नम्वर ४ का लाल बहादुर नेपाली र राम बहादुर नेपाली रहेका छन् । उनीहरुलाई पुर्पक्षका लागि जिल्ला प्रहरी कार्यालय गोरखामा राखिएको छ । जीवित ह्वीचिल लाई सदर चिडियाखाना जाउलाखेल पठाउने र मृत ह्वीचिललाई जिल्ला पशु सेवा केन्द्र गोरखामा पोष्ट मार्टमका लागि पठाइएको छ । पक्राउ पर्नेहरुलाई राष्ट्रिय निकुञ्ज तथा वन्यजन्तु संरक्षण ऐन २०२९ तथा २०३० अनुसार मुद्धा चलाइने जिल्ला बन कार्यालयका सहायक बन अधिकृत शिव श्रेष्ठले जानकारी दिनुभयो ।
