एनक्यु खबर संवाददाता
बुटवल , बैसाख १२ गते । बुटवलवाट प्रकाशित हुने नयाभावना दैनिक र काठमाडौबाट प्रकाशित हुने नेपाल समाचार पत्रमा कार्यरत पत्रकार यमलाल भुसाललाई मातृ शोक परेको छ । भुसालकी आमा ६३ बर्षिय पबित्रा भुसालको आज विहान गुल्मी जिल्लाको पुर्कोटदह गाविस १ स्थित आफ्नै निवासमा मृत्यु भएको हो । स्वर्गिय भुसाल लामो समयदेखि दम रोगवाट पीडित हुनुहुन्थ्यो । स्वर्गिय भुसालका ६ छोरा, ३ छोरी हुनुहुन्छ । यसैवीच नेपाल पत्रकार महासंघ रुपन्देही सभासद भुषाललाई मातृ शोक परेकोमा महासंघ रुपन्देहीले गहिरो दुख व्यक्त गरेको छ । महासंघ रुपन्देहीका शाखाद्वारा आज जारी शोक विज्ञप्तीमा भुषालकी माता पवित्रा भुषालको निधन भएकोमा शोक सन्तप्तपरिवारजन प्रति समवेदना प्रकट गर्दै हार्दिक श्रद्धान्जली व्यक्त गरिएको छ ।यस्तै नेपाल प्रेस युनियन रुपन्देहीका सल्लाहकार यमलाल भुसाललाई मातृ शोक परेको भन्दै युनियनले गहिरो दु ख व्यक्त गरेको छ । युनियनका रुपन्देही सभापति भवानीप्रसाद पाण्डेले आज शोक वक्तव्य जारी गर्दै मृत आत्माको चिरसान्तिको कामना गर्दै शोकाकुल परिवारजन प्रति समवेदना प्रकट गर्नुभएको छ । पत्रकार भुसाललाई परेको मातृ शोकको यस दुखद घडीमा मृत आत्माको चिर शान्तिको कामना गर्दै शोक सन्तप्त परिवार जनप्रति हामी पनि समबेदना ब्यक्त गर्दछौं ।
