बी डिभिजन राष्ट्रिय लिगको उपाधि मध्यपुरलाई

२८ चैत, काठमाडौं । बी डिभिजन राष्ट्रिय लिग फुटबलको उपाधि मध्यपुर युथ एशोसिएसनले जितेको छ । मंगलबार भएको खेलमा संकटा क्लबलाई १-० गोल अन्तरले पराजित गर्दै १६ अंक जोडेको मध्यपुरले उपाधि जितेको हो ।मध्यपुरको जितमा ठाकुर श्रेष्ठले खेलको १० औं मिनेटमा नै निर्णायक गोल गरेका थिए । उपाधिसँगै मध्यपुरले ३ लाख रुपैयाँ हात पारेको छ । यस्तै १५ अंक सहित दोस्रो भएको वीरगञ्ज युथ एकेडेमीले साढे १ लाख पाएको छ । यस्तै १३ अंकसहित तेस्रो भएको संकटा क्लबले भने ७५ हजारमा चित्त बुझाएको छ । यस्तै चौथो भएको कस्तुरी युवा क्लब सिराहाले ५० हवार पाएको छ ।प्रतियोगिताको उत्कृष्ट गोलकिपर वीरगञ्जका दिपेश यादव, उत्कृष्ट डिफेन्स मध्यपुरका रुपेन्द्र श्रेष्ठ, उत्कृष्ट मिडफिल्ड टि्रनिटीका अजय बि.क., उत्कृष्ट फर्वाड वीरगञ्जका निशान नेपाली र उत्कृष्ट प्रशिक्षक मध्यपुरका प्रकाश वैद्य घोषित भए । उत्कृष्ट घोषित सबैले नगद १५ हजार पाएका छन् ।