डुम्रे, १ बैशाख,
नव वर्ष २०६९ साल आज देखि विधिवत रुपमा प्रारम्भ भएको छ । २०६८ साललाई बिदाई गर्दै आजबाट बि.स.२०६९ साल सुरु भएको हो । नयाँ वर्षमा शुभकामना आदान–प्रदान तथा अन्य कार्यक्रमको आयोजना गरि देशभर भव्य रुपले मनाईदैछ । यसैबिच, आज राष्ट्रपति डा. रामवरण यादव ,प्रधानमन्त्री डा.बाबुराम भट्टराईले सम्पुर्ण देशबासीमा नयाँवर्षको शुभकामना सन्देश दिनुभएको छ । शुभकामना सन्देशमा देशमा शान्ति र समृद्धिका लागि यो वर्ष फलदायी हुने विश्वास व्यक्त गर्नुभएको जनाइएको छ । त्यस्तै नव वर्षको अवसरमा तनहुँका विभीन्न संघसंस्थाले विविध कार्यक्रम गरी नव वर्ष २०६९ को शुभकामना आदानप्रदान गरिरहेको छ । यसैबीच बन्दिपुर एफएम प्रा.लिले आज एक विज्ञप्ती प्रकाशित गरी आफ्ना सहयोगी, सुभेच्छुक, विज्ञापनदाता, सेयरसदस्य, कर्मचारी तथा सम्पूर्ण श्रोताहरुमा नव वर्ष २०६९ सालको हार्दीक मंगलमय शुभकामना व्यक्त गरेको छ । नव वर्षले सबैमा शुख, शान्ति, अमनचयन तथा भव्य उल्लाश छाओस जारी विज्ञप्तीमा जनाईएको छ ।
