बन्दिपुर स्टारको पहिलो अडिसन सम्पन्न

राम बहादुर धामी तनहुँ, २५ चैत रेडियो बन्दिपुर ८८.८ मेगाहर्जकोे रेडियो कार्यक्रम बन्दिपुर स्टार मार्फत आज पहिलो अडिसन सम्पन्न भएको छ । गायन प्रतिभाको खोजी गर्ने उद्देश्यले संचालित कार्यक्रम बन्दिपुर स्टार माफर्त एफएम भवनमा पहिलो सिफ्टको पहिलो अडिसन सम्पन्न भएकोे एफएमले जनाएको छ । आज पहिलो सिफ्टको पहिलो अडिसनमा २५ जनाले प्रतिस्पर्धा गर्नेभनिए पनि कारणबस २१ जनाको सहभागिता रहेको स्टेशन म्यानेजर समर्पित मनले जानकारी दिनुभयो । वस्ति–वस्तिमा लुकेर रहेका साङ्गितिक प्रतिभाको खोजी गरिसाङ्गितिक क्षेत्रमा स्थापित गराउने लक्ष्य रहेको एफएमका उपाध्यक्ष शिव कुमार श्रेष्ठले बताउनुभयो । साथै, पहिलो सिफ्टको पहिलो अडिसनको रेडियो बन्दिपुरबाट प्रत्यक्ष प्रसारण समेत गरिएको थियो ।