तेल-अभिब इजरायल, २०फागुन।
नेपाली नयाँ बर्ष २०६९ को अवसरमा इजरायलमा नेपाली चलचित्र 'के म तिम्रो साथी बन्न सक्छु' प्रदर्शन हुने भएको छ । सो सिनेमा प्रदर्शन सँग-सँगै चकलेटी नायक आर्यन सिग्देलको बिशेष प्रस्तुती पनि रहनेछ ।
यतिबेला नेपालमा अग्र स्थानमा रहेका सिग्देलको ओभरसिज डिमाण्ड पनि उत्तिकै छ । उनले अभिनय गरेको पछिल्लो सिनेमा 'के म तिम्रो साथी बन्न सक्छु'को प्रदर्शनको अबसरमा आर्यनले पनि बिशेष प्रस्तुती दिने भएका हुन् । साथै, सो सिनेमाकी निर्मात्री कृषा चौलागाईँ पनि कार्यक्रममा भाग लिन इजरायल आउने भएकी छिन् ।
अप्रिल २० तारिखमा बारबर हलमा सो सिनेमा रिलिज हुनेछ । ओएस नेपाल डटकम तथा एक्शन युथ क्लबले संयुक्त रुपमा सो कार्यक्रमको आयोजना गरेका हुन् । कार्यक्रम साँझ ९ बजेदेखि सुरु हुनेछ । कार्यक्रम पश्चात डिस्को पार्टीको पनि आयोजना हुनेछ साथै, Tel-Aviv पार्क देखि हल सम्म जनाको लागि सम्पूर्ण दर्शकहरुलाई निशुल्क यातायातको पनि ब्यबस्था गरिने बताईएको छ ।
