वीरगंज, १९ फागुन ।
आज बिहान सशस्त्र प्रहरी वेश क्याम्प बोर्डर आउट रिच पोष्ट भिखमपुरबाट खटिएको गस्ती टोलीले पर्साको सोनवर्षा गाविस वडा नं. ३ बाट ५० केजी चरेश बरामद गरेको हो ।
चरेश तस्करहरु भने फरार हुन सफल भएको तथा बरामद गरिएको चरेश जिल्ला प्रहरी कार्यालय, पर्सामा बुझाईने सशस्त्र प्रहरी उपरीक्षक कृष्णभक्त ब्रह्मचार्यले जानकारी गराएका छन् ।
वीरगंज, १९ फागुन । वीरगंज उपमहानगरपालिका वडा नं. १२ को रेलवे ग्यारेज भवनमा वेवारिसे लाश फेला परेको छ । केही व्यक्तिले सो लाश देखेपछि प्रहरीलाई खबर गरेको हो ।
अन्दाजी ४५ वर्षीय गहुगोरो वर्णको पुरुषको लाशमा कुनै घाउचोट नदेखिएको प्रहरीले जनाएको छ । लाशको पोष्टमार्टमको लागि नारायणी उपक्षेत्रीय अस्पताल वीरगंजमा राखिएको छ ।
