काठमान्डौ ८ चैत ।
शुक्रबारबाट प्रदर्शनमा आएको चलचित्र ‘चपली हाईट’ले अश्लिलता निम्त्याएको भन्दै विराटनगरको हिमालय टाकिजमा प्रदर्शनमा अवरोध गरिएको छ । चलचित्र प्रदर्शन हुन नदिने भन्दै युथ फोर्सका कार्यकर्ताले मंगलबार ३ बजेको शो मा रोक लगाएका हुन् ।रोक लगाएपछि सिनेमाको प्रदर्शनमा केही समय अवरोध भएको थियो । तर पछि हल संचालक र युथ फोर्सका कार्यकर्ताबीच सहमति भएपछि सिनेमाको प्रदर्शन आधा घन्टा ढिलो शुरु भएको विराटनगरबाट पत्रकार अर्पण ढकालले जानकारी गराएका छन् । सिनेमालाई सेन्सर बोर्डले एडल्ट सर्टिफिकेट दिएकाले त्यस अनुसार मात्रै चलाउने सहमति भएपछि सिनेमाको प्रदर्शन सुचारु भएको थियो ।
चलचित्र हेर्न जाने १६ वर्ष भन्दा तलका दर्शकलाई हलमा रोक लगाउने सहमति भएको छ । यसरी चलचित्र ‘चपली हाईट’को कथावस्तु र यसको संवादलाई लिएर बिरोध शुरु भएको छ । हेरौं यो विरोधले कुन रुप लिने हो । अनलाईनखबर
