कांग्रेस दुलेगौंडाको आयोजनामा कार्यकर्ता भेला सम्पन्न I

तनहुँ,
४ चैत । नेपाली कांग्रेस दुलेगौंडा गाउँ कार्यसमितिको आयोजनामा वडा नं ८ र ९ को कार्यकर्ता भेला आज वेलचौतारामा सम्पन्न भएको छ । कार्यक्रममा बोल्दै नेपाली कांग्रेसका पुर्व केन्द्रिय सदस्य अमरराज कैनीले जेठ १४ भित्र संविधान नल्याएसम्म मुलुकको लागि विकल्प नभएको भन्दै त्यसका लागि सर्बै पार्टिहरु एकजुट भएर लाग्नुपर्नेमा जोड दिनुभयो ।

नेपाली कांग्रेसका महाधिवेशन प्रतिनिधि कृष्णप्रसाद गौतमले मुलुकको वर्तमान अवस्थामा कांग्रेसको काँधमा पुन महत्वपुर्ण जिम्मेवारी आएको भन्दै फुटेर नभै जुटेर सो भुमिका निर्वाह गर्नुपर्ने बताउनुभयो । गाउँ कार्यसमिति सभापति गोपी बहादुर गुरुङको सभापतित्वमा सम्पन्न कार्यक्रममा महिला नेतृ डाक्टर प्रभा कैनी,पार्टिका अर्का महाधिवेशन प्रतिनिधी उदयराज गौली,जिल्ला प्रवक्ता हरिप्रसाद वाग्ले,पुर्व महाधिवेशन प्रतिनिधि श्यामकृष्ण मल्ल,क्षेत्रीय प्रतिनिधि बालकृष्ण पौडेल,अम्बिका घिमिरे,स्थानिय कार्यकर्ता करिम बकस मिया लगायतले मन्तव्य व्यक्त गर्नुभएको थियो ।