हेटौंडा, १७ चैत । काठमाडौँबाट मकवानपुरको पूर्वी क्षेत्र राईगाउँ जाने राजमार्ग अन्तर्गत पर्ने छतिवन गाविसको भुवनचुलीमा आज बिहान एक ट्रक अनियन्त्रित भई पल्टँदा राईगाउँ–हेटौंडा–काठमाडौँको यातायात अवरुद्ध भएको छ ।
राईगाउँबाट काठमाडौँ हिँडेका र हेटौँडाबाट फापरबारी जाँदै गरेका यात्रुबस सोही स्थानमा अलपत्र परेको स्थानीय बासिन्दा टोपबहादुर थापाले बताउनुभयो । उक्त ट्रक हटाउन हेटौँडाबाट डोजर सहित प्रहरी टोली त्यसतर्फ अहिले पठाइसकिएको जिल्ला प्रहरी कार्यालय मकवानपुरले जनाएको छ ।
