काठमाडौ, १० चैत्र / यस वर्षको मिस नेसनल क्विनको ताज काठमाडौंकी रजनी थापाले पहिरेकी छन् । राजधानीको प्रज्ञा प्रतिष्ठानमा बिहीबार भएको प्रतियोगितामा १९ प्रतियोगी उछिन्दै उनी अब्बल दरिएकी हुन् । रजनीले उपाधिसँगै आउँदो महिना दक्षिण अमेरिकामा हुने मिस इन्टरनेसनल क्विन-२०१२ मा नेपालका तर्फबाट सहभागी हुने अवसर पाएकी छन् ।
रजनीलाई पछ्याउँदै काठमाडौंकै श्वेता श्रेष्ठ फस्ट रनरअप र सुधा सुवेदी सेकेन्ड रनर अप भइन् । दुवैले ताजसँगै क्रमशः २० हजार रुपैयाँ र १० हजार रुपैयाँ हात पारे । उनीहरूलाई नगदसँगै विभिन्न गिफ्ट हयाम्पर पनि दिइएको थियो । मिस फ्रेन्डसिपको उपाधि धनु सुनुवारले, ब्युटिफुल हेयरको उपाधि रिसु पोखरेलले, ब्युटिफुल स्माइलको उपाधि सृष्टि गिरीले पाए । आसिका तामाङले मिस डिसिप्लेन र भिवर्स च्वाइस, रोशनी थापाले मिस टयालेन्ट, रश्मिता खड्काले मिस पर्सनालिटी र शिला केसीले बेस्ट ड्रेसको उपाधि जितिन् । मिस बेस्ट क्वाट्वाकको उपाधि भने शर्मिला श्रेष्ठको पोल्टामा गयो ।विजेता रजनीलाई विभिन्न प्रशिक्षणपछि दक्षिण अमेरिकामा हुने मिस इन्टरनेसनल क्विनमा पठाउने आयोजक एभरेस्ट फेसन होमले जनाएको छ । रोजिन शाक्यको कोरियोग्राफी रहेको प्रतियोगिताको निणर्ायक मण्डलमा अभिनेत्री केकी अधिकारी, गायिका नलिना चित्रकार, व्यवसायी अलाई ग्लागर लगायत थिए । प्रतियोगिताको यो दोस्रो संस्करण हो । कान्तिपुर
