शंकर पुन मगर
चैत्र ११, बहराइन - बहराइनमा तीन जना नेपाली कामदारहरुको कारको ठक्करबाट मृत्यु भएको छ।
शुक्रबार राती दुइ बजे ड्युटी सकेर फर्कने क्रममा विपरित दिशाबाट तीव्रगतिमा आइरहेको कारले ठक्कर दिंदा उनीहरुको मृत्यु भएको हो। मृतकहरुको सनाखत अहिले सम्म हुन नसके पनि दुइ जना पुन थर भएका र एक जना थापा थर भएका मृतकहरु रहेका छन्।मृत्युको बारेमा बहराइनस्थित नेपाली दुतावासले आवश्यक जानकारी लिनको लागि पहल गरिरहेको छ। मृतकहरुको बारेमा सम्पूर्ण विवरण आएपछि नेपालमा उनीहरुको घर परिवारलाई सम्पर्क गरिने दुतावासले जनाएको छ।
