तनहुँ १२ चैत ।
नेपाली काङ्ग्रेस गाउँ कार्य समिति बैदी –५ सानोभन्ञ्याङ्ग तनहुँको दोस्रो बैठक सम्पन्न भएको छ । नेपाली काङ्ग्रेस गाउँ कार्य समितिका अध्यक्ष ओमबहादुर नेपालीको अध्यक्षतामा भएको उक्त बैठकको प्रमुख अतिथिमा नेपाली काङ्ग्रेसका क्षेत्रीय सभापति झुलबहादुर आले रहनुभएको थियो भने अन्य अतिथिहरुमा क्षेत्रीय सदस्यहरु भरत काफ्ले र ईन्द्रबहादुर थापा रहनुभएको थियो ।
नेपाली काङ्ग्रेसका उपसभापति दानबहादुर थापाले स्वागत मन्तव्य राख्नुभएको सो बैठकमा बैदी गाविसका भुतपूर्व अध्यक्ष रणबहादुर आले, शिक्षक संगठनका सभापति पद्मराज सुवेदीका साथै महिलातर्फबाट श्रीमाया मल्ल र गिनुमाया थापालगायत व्यक्तिहरुले मन्तव्य राख्नुभएको थियो । २ सय जनाको सहभागिता रहेको उक्त कार्यक्रममा ६१ जनालाई नेपाली काङ्ग्रेसको क्रियाशिल सदस्यता वितरण गरिएको थियो । सो कार्यक्रमको सञ्चालन गाउँ कार्य समितिका सचिव भिमबहादुर थापाले गर्नुभएको स्थानीय समाजसेवी ऋषिराम रानाभाटले जानकारी दिनुभयो ।
