ताप्लेजुङ्, ८ चैत्र । ताप्लेजुङको दोखुमा भएको आगलागिमा परी मृत्यु हुनेको सङ्ख्या २ पुगेको छ । दोखु गाबिस वडा नम्बर २ बस्ने बुद्धिमाया मगर र उनका श्रीमान धनबहानुर मगरको मृत्यु भएको हो । बुद्धिमायाको हिजो दिउँसो नै शव फेला परेको थियो भने आगलागीमा परी हराईरहेका धनबहादुरको शव आज मात्र फेला परेको छ ।
धुसेनी जंगलमा गत सोमबार देखि लागेको आगो हिजो बस्तिमा पस्दा ४ वटा घर समेत जलेर नष्ट भएका छन । आगलागीबाट धनबहादुर मगर र उनका छोराहरु टेकबहादुर र तिलबहादुर मगरको घर मतान गरी ४ वटा घर जलेर नष्ट भएको हो । घरभित्रको सबै सामान जलेर नष्ट भएको छ ।
