क्वालालम्पुर, २५ फाल्गुन ।
वैदेशिक रोजगारीका क्रममा मलेसियामा कार्यरत एक नेपालीले झुन्डिएर आत्महत्या गरेका छन् । मोरङ, उर्लाबारी- ५ घर भई करिब ५ वर्षअघि यहाँको बातुपहातस्थित रामाटेक्स कम्पनीमा कार्यरत ३२ वर्षीय दुर्गाप्रसाद घिमिरेले मंगलबार आफ्नै कोठामा आत्महत्या गरेका हुन् ।
तीन सहकर्मी रात्रि सिफ्टको काममा गएका बेला उनी ढोका बन्द गरी पंखामा झुन्डिएर आत्महत्या गरेको अवस्थामा भेटिएका थिए । बिहीबार नेपाल र्फकने तयारी गरिरहेका उनको आत्महत्याको कारण खुल्न सकेको छैन । मृतक घिमिरेको शवलाई पोस्टमार्टमपछि हाल त्यहाँको एक अस्पतालमा राखिएको र नेपाल पठाउन आवश्यक तयारी भइरहेको बताइएको छ ।
