केदार मगर, खोटाङ २३ फागुन ।
युथफोर्स कार्यकर्ताको कुटाईबाट खोटाङमा एकीकृत नेकपा माओवादीका गाउँ ईन्चार्ज गम्भीर घाईते भएका छन् । युथफोर्स विजय खर्कका अध्यक्ष सुन्दर राई नेतृत्वको समुहको कुटाईबाट माओवादीका विजयखर्क गाउँ ईन्चार्ज वाणीवेलाश ढुंगाना गम्भीर घाईते हुनुभएको हो ।
राईसहित आठ जनाको कुटाईबाट गम्भीर घाईते बनेका ढुंगानाको जिल्ला अस्पताल खोटाङमा उपचार भइरहेको छ । यसैबीच, ढुंगानालाई कुटपिट गर्नमा संलग्न चार युवा पक्राउ परेका छन् भने चार जना फरार भएका छन् ।
