काठमाण्डौ , ५ चैत्र ।
चौतर्फी बिरोध बढेपछि माओबादी अध्यक्ष प्रचण्डका पुत्र प्रकाश दाहालले सगरमाथा लुम्बिनी यात्राका लागी सरकारले सिफारिस गरेको २ करोड रकम नलिने भएका छन् । मन्त्रिपरिषद्को बैठकले शान्ति र संबिधानका लागी भन्दै प्रचण्ड पुत्रलाई २ करोड दिने निर्णय गरेपछि यसको बिरोध चर्किएको थियो । प्रचण्ड पुत्र प्रकाशले आज दिउंसो २ बजे पत्रकार सम्मेलन गरी सरकारले सिफारिस गर्ने रकम नलिने घोषणा गर्न लागेको स्रातले बताएको छ ।
यसैबिच मन्त्रिपरिषद्को निर्णयको बिरोधमा माओवादी अध्यक्ष प्रचण्ड र प्रधानमन्त्री डा बाबुराम भट्टराईलाई दुई करोड रुपैया सहयोग गर्न आज बिभिन्न बिद्यार्थी संगठनहरुले ब्यांगात्मक चन्दा संकलन अभियानलाई तीब्रता दिएका छन । अध्यक्ष प्रचण्ड पुत्र प्रकाश दाहाल सहितको टोलीलाई सरकारले लुम्बीनि देखि सगरमाथा सम्मको शान्ती पदयात्रा गर्न २ करोड दिएको बिरोधमा बिद्यार्थी संगठनहरुले चन्दासंकलन अभियान सुरु गरेको बिद्यार्थी नेताहरुले बताएका छन । नेपाल बिद्यार्थी संघका जीवलाल खरेलले बिहान आठ बजे देखि देश भरका क्याम्पसहरुमा चन्दा संकलन सुरु भएको जानकारी दिनुभयो ।दिउसो त्रिभुवन बिश्व बिध्यालयमा चन्दा संकलन गर्ने कार्यक्रम रहेको बिद्यार्थीहरुले जानकारी दिएका छन् । विद्यार्थीहरूले सर्वसाधारण संग औंषधिसमेत किन्ने रकम नभएका बेला प्रचण्ड पुत्रलाई सरकारी निर्णयको बिरोधमा आज दिउसो २ बजे वागबजार बाट रत्न पार्कसम्म विरोध जुलुस निकाल्ने तयारी समेत बिद्यार्थीले गरेका छन् । आज दिन भर देश भरीबाट उठेको चन्दा प्रधानमन्त्री कार्यलय र प्रचण्ड निवास लाजीम्पार्टमा लगेर बुझाउने कार्यक्रम रहेको विद्यार्थी नेताहरुले जानकारी दिएका छन । नेपाल वानी
