कविता- पवित्र प्रेम

दिलिप अविरल
अदृश्य मनको सन्दुकमा
संगालेका अनगिन्ती प्रेम फूलहरु


बाँझो खेतबारी झैं
सिचाँइको अभावहरुबिच
एक्लै एक्लै टोलाइरहेथ्यो
कसैको आगमन चिहाइरहेथ्यो
यो ब्याकुल मन
शुन्य शुन्य क्षितिजमा ।
सायद ,
संयोगले पर्दा उगारेको हुनुपर्छ
छैटांैमा भावीले लेखेको हुनुपर्छ
स्वपनिल मिलनका हाम्रा कथाहरु
उस्तै मनका सामानान्तर ब्यथाहरु
अनि त यो,
जातिय बीचको द्वन्दमा
छुवाछुतका हरेक डोबहरुमा
कायापलटका रेखाङ्कन गर्न
परीवर्तनका किरणहरु देशदेशान्तर छर्न
हम्रो अदभुत समागम भो
यही समागम भोलि समाधि हुनेछ
जीवन पर्यन्तसम्म ।।

मधुमल्ला ,मोरङ

हाल दोहा ,कतार