नवलपरासी २४ फागुन ।
नवलपरासीको दुम्किबासमा आज भएको सवारी दुर्घटनामा परेर दुई जनाको मृत्यु भएको छ । पाल्पाबाट काठमाण्डूका लागि छुटेको लु १च ४०६३ नम्बरको यात्रुबाहकक बस लु १ ख ४४४३ नम्बरको पिक अप भ्यानसँग ठोक्किदा दुई जनाको मृत्यु भएको हो ।
मृत्यु हुनेमा भ्यानका चालक रुपन्देही आनन्दबन ५ का रोहित थारु भएको प्रहरीले जनाएको छ तर अर्का सहचालकको सनाखत हुन नसकेको ईलाका प्रहरी कार्यालय दुम्किबासका असई ओम सारुले जानकारी दिनुभयो । दुर्घटनामा दश जना घाईते भएका छन् । घाइतेहरुको उपचारका लागि भरतपुर लगिएको छ भने अन्य घाईतेहरुको स्थानिय अस्पतालमा उपचार भैरहेको छ ।
