सर्लाही, फागुन १३ गते ।
हरिवनसर्लाहीको दक्षिणी क्षेत्रमा पर्ने छटौल गाविस वडा नं. ८ र ९ मा अहिले भीषण आगलागी भईरहेको छ । दुवै वडाका गरी अहिले सम्म २० वटा फुसको घर पूर्ण रुपमा जलेर नष्ट भईसकेको छ । अहिले प्रहरी र स्थानीयवासीले आगलागीको नियन्त्रण गर्ने प्रयास गरिरहेका छन् ।
करिब ५०/६० प्रतिशत आगलागी नियन्त्रणमा आएको भएपनि पूर्ण रुपमा अझै नियन्त्रणमा आउन नसकेको घटनास्थलमा रहेका गडैयास्थित ईलाका प्रहरी कार्यालयका प्रहरी निरीक्षक जनक शाहीले जानकारी दिएका छन । घर तथा घर भित्रका अन्न, लत्ताकपडा लगायतका सामान गरी आगलागीबाट एक करोड बराबरको क्षति भएको अनुमान गरिएको उहाँले बताउनुभयो ।
