चितबन ,फागुन ४ गते ।
शिव पौडेल हत्यामा संलग्न भएको आरोपमा प्रहरीले युवा संघका प्रकाश रेग्मीलाइ आज भरतपुर बाट पक्राउ गरेको छ । भरतपुरको केन्द्रिय बस टर्मिनलको पृथ्वी मल भित्रको दिपज्योति गेष्ट हाउसबाट प्रहरीले रेग्मीलाई पक्राउ गरेको हो । यस अघि युवा संघकै सुरज शाहिलाइ पनि सोही घटनामा संलग्न भएको अभियोगमा केही दिन अघि नारायणगढबाट प्रहरीले पक्राउ गरिसकेको छ ।
शिव पौडेलकी श्रीमती बिनु पौडेलले जिल्ला प्रहरी कार्यालयमा दिएको किटानी जाहेरीका आधारमा प्रहरीले रेग्मीलाइ पक्राउ गरिएको हो । जाहेरीमा रेग्मीलाइ हत्याको मुख्य योजनाकार रहेको उल्लेख गरिएको छ । यस अघि रेग्मी २०६६ जेठ ३ गते भएको शिव पौडेलका भाइ गोपी पौडेलको हत्याका पनि मुख्य योजनाकार रहेको भन्दै पुर्पक्षमा थुनामा परी सर्वाेच्च अदातलको आदेशमा रिहा भएका थिए ।
हाल सो मुद्दा पुपक्र्षका क्रममा रहेको छ । यही मंसिर २० गते भरतपुर कारागारमा भएको आक्रमणबाट घाइते भएका शिव पौडेलको पुस २ गते काठमाडौमा उपचारका क्रममा मृत्यु भएको थियो । सो घटनामा संलग्न रहेको अभियोगमा तत्कालिन प्रहरी प्रमुख , प्रमुख जिल्ला अधिकारी , कारागारका प्रहरी प्रमुख लगायत करिब २ दर्जन व्यक्ति विरुद्ध परिवारका तर्फबाट जिल्ला प्रहरी कार्यालय चितवनमा किटानी जाहेरी दिइएको छ ।
