नेपालका प्रमुख शहरमा मात्र प्रदर्शन हुने नेपाली चलचित्र अब संयूक्त अरब इमिरेट्स यूएईमा पनि प्रदर्शन हुने भएको छ ।
शनहिल सिनेमा प्रोडक्सन एलएलसीले यूएईको दुबईस्थित गोल्डन सिनेमामा प्रत्येक शुक्रबार नेपाली चलचित्र प्रदर्शन गर्नेछ ।
शनहिलका संचालक सूर्य गिरीका अनुसार प्रत्येक महिनाको प्रथम शुक्रबार चलचित्र फेरीने छ । चलचित्र प्रदर्शन हुँदा चलत्रित्रका प्रमुख कलाकारका साथमा दर्शकहरुले चलचित्रको मनोरञ्जन लिने बताएका छन् ।
यूएईका लागि नेपालका राजदूत महामहिम अर्जुनबहादुर थापाले गत २७ जनवरी २०१२ छबिलाल कन्जुस छैनको प्रदर्शनको उद्घाटन गर्नु भएको थियो । सो अवसरमा नेपालका चर्चित कलाकार निर शाह र छविलाल कन्जुस छैनको नायक सुमन सिंह पनि उपस्थित रहेका थिए ।
