म्याग्दी फागुन १२ गते ।
म्याग्दीको देबिस्थान गाविसकी एक २० वर्षिया युवती विगत दुई सातादेखि बेपत्ता भएकी छन् । देबिस्थान गाविस–२ घर भई केहि समयदेखि ताकम–६ मा माइतीमा बस्दै आइरहेकी बिना हर्मेल फागुन १ गतेदेखि बेपत्ता भएका उनका आफन्तजनले बताएका छन् । फागुन १ गते बिहान करिव पाँच बजेको समयमा ट्यूसन पढ्न जान्छु भन्दै घरबाट हिँडेको र अहिलेसम्म नफर्किएको उनका बुवा मनबहादुर हर्मेलले बताउनुभयो ।
कहिँकतैबाट पनि उनका बारेमा कुनै खबर पाउन नसकिएपछि बुवा मनबहादुरले जिल्ला प्रहरी कार्यालयमा खोजतलास गरिदिन अनुरोध गर्दै निबेदन समेत दिनु भएको छ । केहि वर्षयता म्याग्दीका युवतीहरुलाई दलालहरुले प्रलोभनमा पारेर भारत बिक्रि गर्नेगरेको खबर आइरहेको बेला बिना बेपत्ता भएपछि आफन्तजनहरु त्रसित भएका छन् ।
