काठमान्डौ,फागुन १५ गते ।
प्रसिद्ध साहित्यकार तथा संगीतकार भिम विरागको आज ७७ वर्षको उमेरमा निधन भएको छ । उहाँको आज विहान सवा ९ बजे राजधानीको पाटन अस्पतालमा मृत्यु भएको हो । साहित्यकार विराग मेनेन्जाईटीस रोगवाट ग्रसीत हुनुहुन्थ्यो । स्वास्थ्यमा सुधार आएपछि गतसाता आईसीयुवाट जनरल वार्डमा सारीनुभएका विराग हिजो साँझ अचानक बेहोस भएपछि पुन आईसीयु राखिएको थियो । उहाँको उपचारका क्रममा निधन भएको छोरी आभा श्रेष्ठले जानकारी दिनुभयो । विशेषगरी गजलमा दख्खल राख्नुहुने विरागले पछिल्लो समय धार्मीक ग्रन्थ गितामा आधारीत मोहभंग नामक खण्डकाव्य लेख्नुभएको थियो ।स्वरसम्राट नारायण गोपालले गाउनुभएको आजभोली हरेक साँझ मातिन थालेछ र मधु क्षेत्रीले गाउनुभएको फुलैफुल मात्र पनि होईन रैछ जिवन बोलको बहुचर्चीत गितहरुको रचनाकार पनि विराग नै हुनुहुन्छ । विरगञ्जमा जन्मीनुभएका विराग २०२६ सालदेखी हेटौंडा बस्दै आउनुभएको थियो । १२ वर्षको उमेरमै फुटवल खेल्ने क्रममा लागेको चोटका कारण उहाँ शारीरीक कुप्रोपनको सिकार बन्नुभएको थियो । बहुआयामीक प्रतिभाका धनी विरागलाई अन्तीम श्रद्धान्जली चढाउन भिम विराग संगीत साहीत्य कला प्रतिष्ठानका अध्यक्ष तुल्सी थापासहितका साहीत्यकारहरु हेटौंडाबाट काठ्माण्डौं आउदै हुनुहुन्छ ।
