सन्तकुमार चौधरी
भरतपुर फागुन ३ गते ।
नेपाल तमाङ बिद्यार्थी घेदुङ संघ जिल्ला कार्य समिति चितवनले सांस्कृतिक कार्यक्रमको आयोजना गर्ने भएको छ । आज भरतपुरमा पत्रकार सम्मेलन गरी संघले गरिब तथा जेहेन्दार तमाङ समुदायका बिद्यार्थीहरुलाई छात्राबृति दिने उदेश्यले सांस्कृतिक कार्यक्रम गर्ने जनाएको छ ।
कार्यक्रमबाट संकलिन रकमबाट अक्षय कोष पनि स्थापना गरिने संघका अध्यक्ष ढलक कुमार लामाले जानकारी दिनुभयो । यही फागुन ६ गते पुर्वि चितवनको भण्डारा स्थित शिखरबस्तीमा आयोजना गरिने छ । सांस्कृतिक कार्यक्रममा गायक रोज मोक्तान,चन्द्र कुमार दोङ,मिलन लामा,ईन्दिरा गोले,हरि योञ्जन लगाएतका राष्ट्रिय र स्थानीय स्तरका कालाकारहरुको सहभागीता रहने आयोजकले बताएको छ ।
सांस्कृतिक कार्यक्रमबाट करिब ५ लाख रुपैया“ संकलन हुने अनुमान गरिएको छ । कार्यक्रमकै अवसरमा तमाङ समुदायबाट एसएससीमा उत्कृष्ट अंकलल्याउने ३ जना बिद्यार्थीलाई सम्मान गर्ने कार्यक्रम पनि तय भएको तमाङ घेदुङ संघका अध्यक्ष मोहन लामाले जानकारी दिनुभयो ।
