सर्मिला डिसी,
दाङ फागुन ११ गते ।
दाङको लमहीमा आज जन्ति बस दुर्घटना हुदा ३ जनाको मृत्यु भएको छ, भने ९ जना घाइते भएका छन । ३ जनाको अबस्था गम्भिर रहेको छ । ना २ ख १५०८ नम्मरको जन्ती बोकेको बस चैलाही गाबिसको देउपुर बाट दुलही लिएर चैलाही गाबिसकै भैसकुर्मातर्फ जादै गरेको बस लमही बसपार्क नजिक पल्टिदा चैलाही ३ का बिनोद चौधरी र चौलाही ७ का शिवशंकर चौधरी र अर्का
एक जनाको सनाखत हुन नसकेको इलाका प्रहरी कार्यालय लमहीले जनाएको छ ।
दुर्घटनामा घाइते भएका ९ जनाको प्राथमिक स्वास्थ्य केन्द्र लमहीमा प्रारम्भिक उपचार पछि थप उपचारका लागि जिल्ला बाहिर रिफर गरिएको प्रहरीले जनाएको छ । बस तिब्रगतिका कारण दुर्घटनामा परेको जिल्ला प्रहरी कार्यालय दाङले जनाएको छ ।
यसैबीच महोत्तरीको माइस्थान १ भक्तिपुरमा आफ्नै ज्वाँइले सासुको धारिलो हतियार प्रयोग गरी हत्या गरेका छन् । भने ससुरालाई गम्भिर घाइते बनाइदिएका छन् । सिन्धुल रानीचुरी घर भएका सञ्जय बम्जनले गयराति आफनै सासु सुकुमाया गोलेको हत्या गरेको माइस्थानबाट सन्तोष पोखरेलले जानकारी दिनुभयो ।
