जनक नेपाली,
दाङ,फागुन २-
एकीकृत नेकपा माओबादी स्थायी समिति सदस्य नेत्रबिक्रम चन्द बिप्लवले माओवादी पार्टीलाई मजबुत बनाउन ठूलो योगदान गरेको युवा संगठन वाइसीएललाई अलपत्र नपार्ने बताउनुभएको छ । क्रान्तिकारी पत्रकार संघ दाङले आज घोराहीमा गरेको पत्रकार भेटघाटमा स्थायी समिति सदस्य चन्दले जनमुक्ति सेना र वाइसिएलको बलमा नै परिवर्तन सम्भव भएकाले उनीहरुको उचित संरक्षण गरिने बताउनुभयो ।सरकारमा रहेका केही दल जनबिरोधी भएकाले पनि माओबादीले सरकारको नेतृत्व गरे पनि जनताको पक्षमा काम हुन नसकेको वताउनुभयो । आगामी जेठ १४ भित्र संविधान बनाउन सवै दल एक ढिक्का बन्नुको बिकल्प नभएको भन्दै उहाँले त्यसका लागि आआफ्नो हठ त्याग्न सवैलाइ आग्रह गर्नुभयो । जनसत्ता गरेको घरजग्गा कारोवारको निर्णयलाई मान्यता दिने सरकारी निर्णय फिर्ता हुनु गलत भएकोभन्दै नेता बिप्लवले सकुम्वासी समस्या समाधान आयोग लगायतको सिफारिसका आधारमा अहिले उत्पन्न समस्याको हल गरिने बताउनुभयो ।
