दोहा–युवा वर्गलाई लक्षित गरि बनाइएको चलचित्र लुट कतारमा रहेका नेपाली दर्शकहरुले पनि हेर्न पाउने भएका छन । निश्चल बस्नेतको निर्देशन तथा लेखन,माधव वाग्ले र नरेन्द्र महर्जनको निमाणमा बनेको चलचित्र लुटमा सौगात मल्ल,कर्म, दयाहाङ राई, प्रतिकराज न्यौपाने, सुशीलराज पाण्डे,प्रवणि खतिवडा, ऋचा शर्मा, सिर्जना सुब्बा लगायत कलाकारहरुको अभिनय रहेको छ । लक्ष्मण खतिवडाका पहलमा आगामी २३ मार्चमा चलचित्र लुटलाई दोहा सिनेमा हलमा पर्दशन गर्न लागिएको हो । चलचित्र विहान ११ ः ३० र दिनको २ बजे गरि दुई शोमा पर्दशन हुने छ । चलचित्र हेर्नको लागि करी २५ र ३० शुल्क राखिएको खतिवडाले बताए । नेपाली चलचित्र क्षेत्रमा राम्रै चर्चा बटुलेको लुटले कतारमा रहेका नेपालीहरुबाट कस्तो प्रतिक्रिया पाउने हो त्यो भने हेर्न बांकि नै छ ।--
