चितवन,
फागुन १६ - राज्यले नै विभेद गरेका कारण चितवनमा वसोवास गर्ने थारु समुदायको विकास हुन नसकेको एक कार्यक्रमका सहभागीहरुले बताएका छन् । पूर्वी चितवनको पदमपुरमा रेडियो नेपालले आज आयोजना गरेको स्थानीय निकायमा थारुहरुको पहु“च विषयक शान्ति वहस कार्यक्रममा सहभागीहरुले यस्तो बताएका हुन् ।
पुरानो पदमपुरमा वाट सिंगो वस्ती हस्तान्तरण भएपनि पदमपुरको थारु समुदायको विकास हुन नसक्नुमा राज्य दोषि रहेको उनीहरुको भनाई थियो । पदमपुर गाविसमा झण्डै ५० प्रतिशत थारु समुदायको वसोवास छ । तर स्थानीय निकायमाभने थारुहरुको पहु“च र प्रतिनिधित्व छैन् । उनीहरुले भने– राजनीतिक दलहरुमा समेत थारुहरुको नेतृत्व शन्य छ । ‘ सो अवसरमा द्धन्द्ध पीडितहरुले समेत राज्यले आफुहरुलाई विभेद गरेको गुनासो गरेको थिए ।
माओवादी सशस्त्र जनयुद्धको बेला राज्य र माओवादी तर्फवाट पीडित भएकाहरुले माओवादी सरकारमा गएपनि आफुहरुको समस्या जेनको तेन रहको भन्दै आक्रोस समेत पोखेका थिए । कार्यक्रममा पदमपुरका बालसिंह महतो, द्धन्द्ध पीडित घनश्याम गिरी, रेडियो नेपालका माधव घिमिरे, नविन दाहाल, टिका भण्डारी लगायतले मन्तव्य व्यक्त गर्नुभएको थियो ।
