रवि रोषी
दोहामा बधाई छ तिमीलाई चलचित्र प्रदर्शन हुने भएको छ । महानायक राजेश हमाल, नायिका झरना थापा र नवनायक विष्णु कार्कीद्धारा अभिनीत बहुप्रतिक्षित नेपाली कथानक चलचित्र बधाई छ तिमीलाई कतारको नजमा स्थित दोहा सिनेमा हलमा आगामी मार्च ९ तारिखको दिन प्रस्तुत गरिने कुरा कार्यक्रम संयोजक भानु शर्माले बताए । उक्त दिन जम्मा १ शो मात्र प्रदर्शन गरिन लागेको चलचित्र हेर्न आउने दर्शकहरुको सुविधालाई ध्यानमा राखी दोहाको अलअत्तिया र ल्याण्डमार्क र सनैया ४७ बाट दिउँसो १ बजे बसको सुविधा पनि गरिएको जानकारी गराए ।
दिनको २.३० बाट सुरु हुने सो चलचित्रको टिकट दर भिआईपी ५० रियाल तथा २५ र २० तय गरिएको कुरा अर्का संयोजक दीपक कार्कीले बताएका छन् । दर्शकहरुले सहज रुपमा टिकट प्राप्त गर्न सकुन् भन्ने ध्येयले सनैयाको लालीगुराँस रेष्टुरेन्ट, सब्जी मार्केटको काठमाण्डौँ किचेन, सम्सारा थकाली भान्छाघर नेशनल, नेपाली भान्छाघर जेद्धापार्क नेशनल, हिमालयन रेष्टुरेन्ट नेशनल सगरमाथा मम सेन्टर नेशनल तथा इस्लामिक बैँक नजमा टिकटको व्यवस्था गरिएको छ ।
