कठमान्डौ फागुन ३ गते ।
नेकपा एमालेको केन्द्रिय समिति बैठकमा अध्यक्ष झलनाथ खनालको राजनीतिक प्रतिवेदन पेश भएको छ । आज पार्टी मुख्यालयमा बसेको बैठकमा अध्यक्ष झलनाथ खनालले राष्ट्रिय प्रतिनिधि परिषदको भेलामा प्रस्तुत गर्ने राजनीतिक प्रतिवेदन पेश गर्नु भएको हो । खनालको प्रतिवेदनमा वर्तमान सरकार असफल भएको ठहर गर्दै राष्ट्रिय सरकार गठनमा जोड दिइएको छ । खनालको प्रतिवेदनमाथि भोलीबाट केन्द्रिय समितिमा छलफल हुनेछ ।
बैठकले केन्द्रिय समितिको एजेण्डाहरु तय गरेको छ । बैठकका एजेण्डाहरुमा राष्ट्रिय प्रतिनिधि परिषदको भेलामा प्रस्तुत गर्ने राजनीतिक, आर्थिक र संगठनिक प्रतिवेदन, राष्ट्रिय प्रतिनिधि परिषदका सदस्यहरुको मनोनयन लगायत छन । बैठकमा केन्द्रिय सदस्यहरुलाई राज्य पुनःसंरचनाबारे पार्टीको संघीय विभागले पेश गरेको प्रतिवेदन अध्ययनका लागि वितरण गरिएको छ । बैठकले सिरहा घटनबारे विशेष प्रस्ताव पारित गरेको छ । घटनाबारे अध्यक्ष झलनाथ खनालको नेतृत्वमा प्रधानमन्त्रीको मा डेलिगेशन जाने, सिरहा घटनामा दोषीमाथि कारवाही गर्ने र मृतकका परिवारलाई उचित क्षतिपूर्ति दिन माग गरेको वैकल्पिक केन्द्रिय सदस्य ठाकुर गैरेले जानकारी दिनुभयो ।
