काठमाण्डौ,
फाल्गुन १-नेपालमा मात्र हैन बिदेशमा रहेका नेपालीहरू माझ पनि तक्मे बुढो अर्थात विल्सन विक्रम राईको क्रेज बढ्दो रूपमा रहेको छ । सानै उमेर देखि कलाकारितामा लागेका यि तक्मे बुढा बिशेष गरी जोक्सका बिषयमा चर्चित छन् ।
देश बिदेशमा हुने स्टेज कार्यक्रममा उनको डिमान्ड बढ्दै जान थालेको छ । बाटो मुनिको फूल, कस्ले चोर्यो मेरो मन, सम्झना, सायद, फेसबुक लगायत थुप्रै चलचित्रमा आफ्नो अभिनय कला प्रस्तुत गरेका यि पूर्वेली राईले टेलिचलचित्र तितो सत्य र मेरिबास्यैमा पनि उत्तिकै चर्चा पाएका छन् । हाल प्रसारण भईरहेको हाँस्य टेलिचलचित्र मेरिबास्यैमा उनी तक्मे बुढो नै बनेर दर्शकलाई हँसाईरहेका छन् ।
बिशेष गरी भिसीको तक्मा, लिम्बुको छोरो, बिर्खेलाई चिन्छस् जस्ता जोक्सहरू यु ट्यूबमा निकै चर्चामा छन् । यि जोक्सहरू बिशेष गरी युरोप र अमेरिकामा प्रख्यात रहेको यि तक्मे बुढो बताउँछन् । उमेरले २५ बसन्त पनि पार नगरेका यि तक्मे बुढा जोक्सहरू सुनाएरै आम्दानी पनि राम्रै हुने बताउँछन् । उनी भन्छन्, 'अहिले त स्टेज कार्यक्रमहरूमा निकै व्यस्त हुन थालेको छु । बिदेशबाट पनि अफरहरू आउन थालेका छन् ।' यू ट्यूबमा आफ्ना जोक्सहरूलाई हजारौं दर्शकले हेरिसके पनि लाईभ हेर्नुको मज्जा छुट्टै हुने यि कमेडियनको भनाई छ ।
जस्तो पनि अभिनयमा जम्न सक्ने विल्सन चलचित्रमा भन्दा बढि लाईभमा प्रस्तुत भएर दर्शकलाई हँसाउन रूचाउछन् । कलाको घमन्ड नभए उनी गर्वका साथ भन्छन्, 'म जोक्स भन्न थालें भने नहाँस्ने दर्सक सायदै भेटिदैनन् होला ।' हुन पनि हो साथीभाई जमघट हुने बित्तिकै उनी जोक्सहरू भन्न थाल्छन् र पेट मिचिमिची हँसाउँछन् ।
एक हैन दुई हैन उनीसँग सयौं ठट्यौली जोक्सहरू छन् । जोक्स मात्र हैन उनले केहि कमेडी म्युजिक भिडियोहरू आँफैले निर्देशन र मोडलिङ पनि गरेका छन् भने उनी गीत पनि राम्रो गाउँछन् । 'द विल्सन विक्रम शो' नाममा यु ट्यूबमा सर्च गर्ने हो भने उनका थुप्रै जोक्सहरू हेर्न सकिनेछ । उनका केही रमाईला जोक्सहरू तल प्रस्तुत गरिएको छ - फिल्मीखबर
