नारायण सापकोटा
चितवन, फागुन १६- गत माघ ५ गते माडी बघौडामा बोक्सीको आरोपमा हत्या गरिएको ढेगनी महतोको हत्यामा संलग्न रहेका ९ जना लाई प्रहरीले सार्वजनिक गरेको छ । आज जिल्ला प्रहरी कार्यालय भरतपुरमा आयोजनामा गरिएको पत्रकार सम्मेलन मार्फत उनीहरुलाई सार्वजनिक गरिएको हो ।
प्रहरीले आज पक्राउ परेका सवैको बयान लिईसकेकपछि पत्रकार सम्मेलन गरेको हो । ढेगनीको हत्यामा संलग्न रहेको आरोपमा ११ जना बिरुद्ध किटानी जाहेरी परेको थियो । तर प्रहरीले भने ९ जनालाई मात्र पक्राउ गरेको छ । अन्य २ जना भने फरार छन । प्रहरीले आज सार्वजनिक गरेका अभियुक्तहरु मृतक महतोकै आफन्तहरु छन । बघौडा गाविस वडा नं. ६ की २३ वषिया मञ्जु महतो, मृतकका ज्वाई नाता पर्ने बघौडा वडा नं. २ का विक्रम महतो, वडा नं. ६ का अर्को विक्रम महतो, वडा नं. २ की २० वर्षिया सञ्जु महतो, वडा नं. २ का १८ वर्षिय कृष्णमहतोलाई प्रहरीले सार्वजनिक गरेको हो ।
प्रहरीले घटनामा मुख्य योजनाकार रहेका भारतीय नागरिक माडी बघौडामा बस्दै आएका झांक्री जागेश्वर महतोलाई अदालतको फैसला अनुसार सर्वेश्व सहित जन्मकैद हुने प्रहरी नायब उपरिक्षक रबि पौडेलले जानकारी दिनुभयो ।
घटनामा संलग्न पशुपतिया महतो र २५ वर्षिया लक्ष्मी महतो भने फरार छन ।घटनामा संलग्न रहेका झांक्री महतोले पनि हचुवाको भरमा उनी झांक्री रहेको बताएका छन ।मृतक महतोका छोरी पर्ने मन्जु महतो बिरामी भएपछि झांक्री महतो कहां जांदा उनले चामल हेरेकै आधारमा उनलाई हचुवामा बोक्सी रहेको बताएको स्वकार गरेका छन । सबैलाई मलाई झांक्री भन्छन पत्रकार सम्मेलनमा सार्वजनिक हुंदै महतोले भने मैले यत्तिकै उनलाई बोक्सी भनेको हुं ।
प्रहरी नायव उपरिक्षक पौडेलले घटनामा संलग्न रहेकाहरु लाई हदै सम्मको कारबाही हुने भन्दै फरार रहेकाहरुको खोजी भैरहेको जानकारी दिनुभएको छ ।
