कायरो - इजिप्टको पोर्ट साइदमा आज सम्पन्न भएको फुटबल खेल समर्थकहरु बीच भएको हिंसात्मक घटनामा मारिनेको संख्या बढीरहेको छ । समाचारमा ४० जना मारिएको पुष्टि भएपनि मारिनेको संख्या दोब्बर भएको प्रत्यक्षदर्शीले बताएका छन ।
खेल समाप्त भएको घोषणा हुने बित्तिकै स्थानीय टिम अल मास्रायका समर्थकहरुले विपक्षी टिम अल -हेलिका खेलाडी र समर्थकहरुमाथि खेल मैदानमै गएर आक्रमण गरेका थिए । उक्त टिम इजिप्टको शिर्ष फुटबल टिम हो । अल हेलीले अल माश्रेलाइ १ का बिरुद्ध ३ गोलले पराजित गरिदिएको थियो ।
मर्नेहरुमा केही सुरक्षाकर्मीहरु रहेका छन भने खेलाडीहरुलाइ तत्काल सुरक्षित स्थानमा लुकाईएको थियो । उक्त हिंसात्मक घटनापछि कायरो स्टेडियममा हुन गैरहेको अल इस्लामिया र जमालिक टिमबीचको फुटबल म्याच पनि रद्द भएको छ । यसै क्रममा जमालिक समर्थकहरुले गेम रद्द भएको झोंकमा प्रदर्शन गर्नुका साथै स्टेडियमका केही भागहरु समेत जलाई दिएका छन ।
