तनहुँ, फागुन १४ गते ।अज्ञात समुहले तनहुँको व्यास नगरपालीकास्थीत हाइस्कूलटारमा रहेको निर्मल उच्च माध्यामिक विद्यालयको पर्खाल भत्काएका छन् । विद्यालयको वरिपरी लगाईएको करिव ३ सय मिटर पर्खाल भत्किाइएको हो ।पर्खाल एक्कासि भत्किएको पाईएपछि भत्काउने समुहको खोजी कार्य भईरहेको विद्यालयका शिक्षक बुद्धि मिश्र ले बताउनुभएको छ ।
शैक्षिक केन्द्रको पर्खाल भत्काउने जो कोहिलाई पनि भेटिएपछि सार्वजनिक मुद्दा चलाइने उहाँले बताउनुभयो ।पर्खाल जथाभावि रुपमा भत्काउँदा पनि त्यहाँका स्थानीय वासिन्दा मुकदर्शक बनेको विद्यालयले आरोप लगाएको छ । पर्खालको संरक्षणमा स्थानीय बासिन्दाले खासै चासो नदिंदा समस्या उत्पन्न भएको समेत विद्यालयले जनाएको छ ।
