म्याग्दी (बेनी) पुस २९ गते ।
म्याग्दी उद्योग बाणिज्य संघको आयोजनामा आजदेखि म्याग्दी सदरमुकाम बेनीमा चौथो म्याग्दी महोत्सव एवम माघेसंक्रान्ति मेला तथा बहु जिल्ला स्तरीय कृषि औद्योगिक व्यापारीक मेला २०६८ सुरु हुदैछ । आजदेखी माघ ८ गतेसम्म सचालन हुने महोत्सवमा स्थानिय उत्पादन, औषधीजन्य जडिबुटी र उद्योगजन्य कच्चा पदार्थको प्रचारप्रसार गरी स्थानीय उद्योगीव्यवसायीलाई प्रोत्साहन गर्ने लक्ष्य रहेको महोत्सव मूल आयोजक समितिका संयोजक तथा म्याग्दी उद्योग बाणीज्य संघका अध्यक्ष कुबिरकुमार श्रेष्ठले जानकारी दिनुभयो ।
। महोत्सवमा वन पैदावार, खनिज पदार्थ, कृषि उपज, पशु विक्री केन्द्रहरुको स्टल रहने छ भने धार्मिक तथा प्राृकतिक पर्यटकीय क्षेत्रको प्रचार प्रसार गरीने छ । विभिन्न विज्ञान तथा हस्तकला सामाग्रीको समेत स्टल राखीने महोत्सवमा स्थानिय विभिन्न जातजातीको रहनसहन र पहिचान झल्कने भेषभुषा प्रदर्शन गरीनछ ।
महोत्सवको आज नेपाल उद्योग बाणीज्य संघका केन्द्रीय बरिष्ठ उपाध्यक्ष भाष्करराजराज कर्णीकारले उद्घाटन गर्ने कार्यक्रम छ । १ लाख ५० हजार दर्शक भित्राउने लक्ष्य रहेको यो महोत्सवमा ३ करोड बरावरको कारोबार हुने अनुमान गरीएको म्याग्दी उद्योग बाणीजय संघका निर्वमान अध्यक्ष तथा अतिथि सत्कार व्यवस्थापन उपसमितिका संयोजक सुर्यप्रसाद मर्सानिले जानकारी दिनुभयो ।
